दाङमा लागुऔषध सहित प्युठानका एक युवक पक्राउ

नयाँ दृष्टि
२०८१ श्रावण ६

दाङ, ६ श्रावन ।

दाङको राप्ती गाउँपालिका भालुवाङ बाट लागु औषध सहित एक युवकलाई प्रहरीले पक्राउ गरेको छ ।

पक्राउ पर्नेमा प्यूठानको प्युठान नगरपालिका– ४ घर बताउने २१ वर्षीय सुजन पुन रहेको प्रहरीले जनाएको छ ।

प्रहरीका अनुसार शनिबार बेलुका ७ बजेको समयमा भालुवाङ स्थित बसपार्कमा लागुपदार्थ सेवन तथा ओसापसर भइरहेको छ भन्ने गोप्य सुचनाका आधारमा खटिएको प्रहरीले पुनलाई पक्राउ गरेको इलाका प्रहरी कार्यालय भालुवाङले जनाएको छ ।

लागु पदार्थ सेवन गरे जस्तो लठ्ठ परेको अबस्थामा पुनलाई लागुऔषध नाइट्राभेट–१० नामक ट्याबलेटहरु सहित पक्राउ गरेको प्रहरीले बताएको छ । पक्राउ परेका पुनमाथि अनुसन्धान भईरहेको प्रहरीले बताएको छ ।।