दाङमा जंगलि च्याउ टिप्न गएकी एक महिला भालुको आक्रमणबाट गम्भीर घाइते

नयाँ दृष्टि
२०८१ असार २८

असार २७ दाङ।

दाङको देउखुरीमा भालुको आक्रमणबाट एक महिला गम्भीर घाइते भएकी छन् ।
जिल्लाको लमही नगरपालिका वडा नम्बर ६ स्थित कर्री सामुदायिक वन क्षेत्रमा च्याउ टिप्ने क्रममा भालुको आक्रमणबाट छोट्की महरवा निवासी ४७ वर्षीय शोवारी घर्ती मगर गम्भीर घाइते भएको प्रहरीले जानकारी दिएको छ ।

भालुको आक्रमणबाट घाइते भएकि घर्तीको अनुहारमा गम्भीर चोट लागेको छ भने दुवै हात भाँचिएका छन। उनको लमही अस्पतालमा प्राथमिक उपचारपछि थप उपचारको लागि बुटवल लगिएको छ ।

उनलाई बिहीबार बिहान करिब साढे ५ बजे जंगलमा च्याउ टिप्ने क्रममा भालुले आक्रमण गरेको प्रहरीले जनाएको छ ।