सल्यानको कुपिण्डे दहमा डुबेर एक महिलाको मृत्यु

नयाँ दृष्टि
२०८१ जेष्ठ १०

जेठ १० सल्यान ।

सल्यानको कुपिण्डे तालमा डुबेर एक महिलाको मृत्यु भएको छ।
जिल्लाको शारदा नगरपालिका ८ मार्के आरामेलटाकुराकी ३० वर्षीया कमला कुवरको कुपिण्डे तालमा डुबेर मृत्यु भएको हो ।

बिहानै आफन्त संग पुजा गर्नको लागि कवर बनगाड कुपिण्डे नगरपालिका ८ कुपिण्डेताल नजिकै बराह मन्दिरमा गएकी थिइन।
नुहाउने क्रममा उनले आफुलाइ देवता चढेको भनी तालको गहिरो भाग तिर हाम फाल्दा कवर तालमा डुवेको पुजारी कुल बहादुर गोसाईको भनाइ रहेको जिल्ला प्रहरी कार्यालय सल्यानले जनाएको छ ।

तालमा डुबेकी उनलाई आफन्त र स्थानीयले उद्धार गरेका थिए । उद्धार पछि उपचारका लागि सल्यान जिल्ला अस्पताल लगिएकोमा डाक्टरले चेकजाँच गर्ने क्रममा मृत घोषणा गरेको जिल्ला प्रहरी कार्यालय सल्यानका सूचना अधिकारी भवानी प्रसाद धमलाले बताउनु भएको छ ।
उनको शव पोष्टमार्टमका लागि जिल्ला अस्पतालमा राखिएको छ । भने घटना बारे थप अनुसन्धान भइरहेको प्रहरी बताएको छ।