सल्यानमा पाठेघर खस्ने समस्या भएका २५ जना महिलाको निशुल्क शल्यक्रिया
चैत ०६, सल्यान । सल्यानमा पाठेघर खस्ने समस्या भएका २५ जनाको निशुल्क शल्यक्रिया सम्पन्न भएको छ । कर्णाली प्रदेश सरकार समाजिक बिकास मन्त्रालय, स्वास्थ्य सेवा निर्देशनालय सुर्खेतको आर्थिक सहयोग, कर्णाली स्वास्थ बिज्ञान प्रतिष्ठान जुम्लाको आयोजना तथा स्वास्थ सेवा कार्यालय सल्यानको समन्वय र व्यस्थापनमा फागुन २६ गतेदेखि जिल्ला अस्पताल सल्यानमा जारी शिविरमा उनिहरूको शल्यक्रिया गरिएको हो ।
शल्यक्रिया गरीएका २५ जनामध्ये ४ जनाको दोस्रो पटक र २१ जनाको पहिलो पटक पाठेघर खस्ने समस्याको शल्यक्रिया गरिएको शल्यक्रियामा संलग्न डा. सुबि बस्न्यातले बताउनु भयो ।
सानै उमेरमा बिहे गर्ने, धेरै बच्चा जन्माउने, परम्परागत तरिकाले घरमै सुत्केरी हुने, आराम नगर्ने, पाठेघरमा समस्या आउदा पनि लाजले समस्या लुकाइराख्ने हुनाले पाठेघर खस्ने समस्या आउने गरेको उहाँको भनाइ छ ।
शल्यक्रिया गरिएका मध्ये ५० देखी ७५ बर्ष सम्मका महिलाहरु रहेका छन । निशुल्क शिविर भोलिसम्म जारी रहने बताइएको छ ।
प्रतिकृया दिनुहोस्