कोरिया गएको छ महिना मै अस्ताइन् २० वर्षीया सोनु, तीन महिनाअघि मलेसियामा गुमाएकी थिइन् बुवा
-
नयाँ दृष्टि
- २०८१ भाद्र ४
दक्षिण कोरियामा विद्यार्थी भिसामा गएकी इलामकी २० वर्षीया सोनु श्रेष्ठको हृदयघातका कारण निधन भएको छ। माई नगरपालिका–१ की सोनु छ महिना अगाडि मात्र कोरिया पुगेकी थिइन् र उल्सान विश्वविद्यालयमा अध्ययनरत थिइन्। आईतबार हृदयघात भएपछि उनको उल्सान अस्पतालमा निधन भयो। पोस्टमार्टमपछि उनको शव आफन्तलाई जिम्मा लगाइएको छ।
सोनुको शव नेपाल ल्याउने तयारी भइरहेको छ, तर आर्थिक अभावका कारण समस्या उत्पन्न भएको छ। सोनु, लिलाकुमार र प्रतिमा श्रेष्ठकी माइली छोरी हुन्। उनका दिदी र भिनाजु पनि कोरियामै रहेका छन्। घरमा उनकी ४५ वर्षीया आमा, बहिनी, र भाइ छन्, जसले गाउँमै सामान्य खेतीपाती गर्दै जीवनयापन गरिरहेका छन्।
उनका बुवा लिलाकुमार श्रेष्ठ विगत केही वर्षदेखि वैदेशिक रोजगारीको सिलसिलामा मलेसियामा थिए। मलेसियामा रहेका लिलाकुमारको पनि तीन महिनाअघि मात्रै निधन भएको थियो।
लेखकको सम्वन्धमा