सल्यानमा खानीबाट ढुंगा निकाल्ने क्रममा ढिस्कोले च्यापिएर एक जनाको मृत्यु

नयाँ दृष्टि
२०८१ पुष १२

सल्यान पौष १२
सल्यानमा खानीबाट ढुंगा निकाल्ने क्रममा खसेको ढिस्कोले च्यापिएर एक जनाको मृत्यु भएको छ ।

जिल्लाको कुमाख गाउँपालिका ७ स्यानी जिमालि निवासी ४४ वर्षीय पोथे बोहराको ढिस्कोले च्यापिएर मृत्यु भएको जिल्ला प्रहरी कार्यालय सल्यानले जनाएको छ ।

बिहिबार दिउँसो घरदेखि केही टाढा रहेको सामुदायिक वनमा खानीबाट एक्लै ढुंगा निकाल्न गएका उनि साँझसम्म घर नर्फिएपछि खोजतलास गर्ने क्रममा स्थानीयले माथिबाट ढुंगासहितको ढिस्काले च्यापिएको देखेपछि प्रहरीलाई खबर गरेका थिए ।

प्रहरी घटनास्थलमा पुगी ढिस्कोले च्यापिएर मृत्यु भएका बोहराको शव निकाली मुचुल्का उठाई पोष्टपार्टमका लागि सल्यान जिल्ला अस्पतालमा पठाइएको जिल्ला प्रहरी कार्यालय सल्यानका सूचना अधिकारी बाबुराम बस्नेतले जानकारी दिनु भयो ।