सल्यान कालिमाटीको एक होटेलमा एक पुरुष मृत अबस्थामा फेला

नयाँ दृष्टि
२०८० माघ १४

सल्यान कालिमाटी गाउँपालिकाको एक होटेलमा अन्दाजी ३६ वर्षीय एक पुरुष मृत फेला परेका छन् ।
आइतबार बिहान कालिमाटी गाउँपालिका २ सेतिखोलामा रहेको न्यु मध्यपश्चिम म.म एण्ड नास्ता पसलमा सुतेका शोही वडा भानटाकुराका ३६ वर्षीय मोहनलाल कामीको मृत्यु भएको जिल्ला प्रहरी कार्यालय सल्यानले जनाएको छ ।
आइतबार बिहान ११ बजेसम्म पनि कामी नउठेपछि होटेल शाहु उठाउन जाँदा मृत अवस्थामा देखेपछि प्रहरीलाई खबर गरेको जिल्ला प्रहरी कार्यालय सल्यानका सूचना अधिकारी भवानी प्रसाद धमलाले जानकारी दिनु भयो । घटनाको थप अनुसन्धान भइरहेको उहाँको भनाई छ ।