कुमाख वडा न: १ ले गर्यो जेष्ठ नागरिक र एकल पुरुष लाई न्यानो कपडा वितरण

माघ ८ सल्यान

कुमाख गाउँपालिका वडा न: १ ले एकैदिना दुई कार्यक्रम सम्पन्न गरेको छ।
८० बर्ष पुगेका जेष्ठ नागरिकलाई सम्मान सगै फाइबर सिरक , टोपी र एक जोर जुत्ता वितरण गरेको छ। सोमबार वडा कार्यालयमा जेष्ठ नागरिकलाई बोलाएर बितरण गरेको हो आर्थिक बर्ष ८०/८१ को वडा लक्षित बर्ग अन्तर्गत जेष्ठ नागरिक सम्मान कार्यक्रम शिर्षकको बजेटबाट ४० हजार बराबरको रकम बाट १६ जना जेष्ठ नागरिकलाई वितरण गरिएको वडा अध्यक्ष डिल्ली बहादुर रानाले बताएका छ्न। केही अशक्त जेष्ठ नागरिकलाई भने घरमै गयर वितरण गरिएको छ ।

यस्तै १५ जना एकल पुरुषलाई १ जोर जुत्ता १ वटा टोपी पनि वितरण गरिएको छ। आर्थिक बर्ष ०८०/०८१ वडाको लक्षित बर्ग अन्तर्गत एकल पुरुष राहत वितरण सम्मान कार्यक्रम शिर्षकको ५० हजार बराबर रकमको एकल पुरुष राहत वितरण गरिएको अध्यक्ष डिल्ली बहादुर रानाले बताएका छ्न ।
उक्त वितरण कार्यक्रम अध्यक्ष डिल्ली बहादुर राना ,सचिव महेन्द्र कुमार रावत , कार्यपालिका सदस्य साबित्रा बि क वडा सदस्य डम्बर बहादुर लगायत वडा परिवार बाट वितरण गरेको थियो।